Tolosaldeko Hitza

2008-06-14 | 17:46:01

Areso dagoeneko Uemako kide da ofizialki

Euskara nagusi izango den lurraldea aldarrikatzen ari dira gaur Azpeitian, Udalerri Euskaldunen Mankomunitatearen egunean.

Ez du erantzunik

2007-10-10 | 18:18:13

Pertsona bat hil da Areson moto istripuan

Lekunberriko norabidean jazo da ezbeharra, A-15 errepidean; hildakoa 48 urteko donostiarra da

Gorpua Nafarroako Medikuntza Institutora eraman dute autopsia egiteko.

Ez du erantzunik

2007-06-23 | 20:11:26

GAZTEDI "A"K IRABAZI DU EUSKAL HERRIKO SOKATIRAKO FINALA

Aresok laugarren postua eskuratu zuen, Mutrikuren atzetik

Euskal Herriko Sokatira Txapelketa ospatu zen atzo Aresoko plaza ondoko zelaiean. Gaztedi «A», Gaztedi «B», Goiherri, Mutriku eta Areso 640 kilotako kategorian lehiatu ziren. Goiherri eta Gaztedi «A»ren arteko lehia izan zen nabarmenena, bi talde hauek lehenengo postua lortzear egon baitziren.

Ez du erantzunik

2006-07-29 | 21:03:50

Aresok zilarrezko domina irabazi du 560ekoan, gaurko saioan Goiherri Arekin berdindu ondoren

16 minutu eta 14 segunduko tiraldia egin dute bi taldeek, epaileak ezeztatu duena

Aresoko sokatira taldeak zilarrezko domina irabazi du Euskal Herriko Sokatira Txapelketako 560 kilotan. Areson bertan jokatu duten jardunaldian, Goiherri Arekin berdinduta gelditu da: saio guztiak irabazi eta elkarren aurkakoa puntu partiketarekin, arratsaldeko tiraldirik gogorren eta luzeenak eginda: eguneko azken aurrekoa ere bazen, baina 16 minutu eta 14 segundu pasatuta zirela, epaileak tiraldia ezeztatzea erabaki du, bi taldeak bina faltaren jabe ere baziren eta. Hurrengo saioak, leku berean bigarrena, motzagoak izan dira, eta banetan irabazi zutenez, puntu partiketa suertatu da. Gaztedi Ak irabazi du kobrezko domina.

Ez du erantzunik

2006-07-27 | 16:27:01

Mikel Olazabal kantxetara itzuliko da larunbatean

7 hilabete egin ditu pilotan jokatu ezinik, abenduan ezker eskumuturreko eskafoidesa hautsi zuenetik

Mikel Olazabal pilotari aresoar gaztea, larunbatean, hilaren 29an itzuliko da pilotalekuetara: Amezketan, 22:00etatik aurrera jokatuko duten pilota jaialdian, hirugarren partidan parte hartuko du, Lizartzako Zelaiaren aurka. Zazpi hilabete eman ditu pilotan jokatu gabe, abenduan ezker eskumuturreko eskafoidesa hautsi zuenetik zehazki. Orain "ongi sendatuta" eta "oso gogotsu", hasiko da jokatzen.

Ez du erantzunik

2006-07-26 | 17:53:53

Aresok laugarren egin du 600ekoan eta orain 560ko txapelaren bila doa

Larunbatean herrian jokatuko dute pisu horretako 3. eta azken jardunaldia

600 kiloko Euskal Herriko Sokatira Txapelketa ere bukatu da asteburu luze honetan zehar eta Goiherri A taldeak irabazi du txapela. Nuarbe saiatu egin zen, tiraldi guztian irabazi zituen Azpeitian jokatu zuten 3. jardunaldi horretan, baina bizkaitarrek aurretik zekarten abantailari esker 600 kiloko txapelaren jabe egin ziren. Bien bitartean, Gaztedi Aren ondoren, hau egin zen kobrezko dominaren jabe, Areso laugarren gelditu zen bai eguneko kontuetan eta baita azken sailkapenean ere. Asteburu honetan, Areson jokatuko da aurtengoz euskal Herriko Sokatira Txapelketako azken saioa: 560 kilotako hirugarren jardunaldia. Nafarrak Goiherrri Aren ondoren, bigarrren doaz, Gaztedi Arekin berdinduta. Txapela etxean gelditzeko eginhalak eginen dituzte; hori dute helburua: "Zor hori dugu", zioten orain aurrekoan.

Ez du erantzunik

2006-05-16 | 17:07:30

Areso "gustura" aritu da Euskal Herriko Txapelketako lehendabiziko saioan

Taldeko lau kide berriak hasier-ahasierataik sartu dira sokara, txapelketako tinua hartzeko

Taldea berrituta ekin dio Aresoko sokatira taldeak Euskal Herriko lur gaineko txapelketari eta larunbatean Berriatun jokatu zen 680 kiloko aurreneko jardunaldiari dagokionez «balorazio ona» egin dute: «Lehenbiziko tiralditik beretik taldeko kide berriei aukera emanez, tiraldi txukunak egin genituen». Lehendabiizko jardunaldian 3 puntu eskuratu zituen talde aresoarrak, hots, laugarren egin zuen, Nuarbek irabazi zuelarik.

Ez du erantzunik

2006-05-10 | 12:52:30

Haur, guraso eta eskolen arteko topaketak eginen dituzte, aurten Areson

Aresoko, Leitzako, Aranoko eta Goizuetakoak elkartuko dira egun osoko elkar ezagutza festan

Etzi eginen dute 7. Haur, Guraso eta Eskolen arteko topeketa, Areson. Egun guztian zeharreko ekintzak antolatu dituzte, Aresoko, Leitzako, Aranoko eta Goizuetako ume, horien guraso, orohar hiru herrietako eskolen inguruko (Aranon ez dago) jendearentzat, elkar ezagutzeko festa honetarako. Aitatu, lau herrietan lanean aritzen den Prebentzio Programak eta guraso elkarteek antolatzen dutela topaketa hau urtez urte. Urtero, txandaka, herri desberdinean egiten den festa da hau, aurten Areson egitea egokituz. 11:00etan hasi eta iluntzera arte zertan ibilirik ez da faltako, beraz, larunbatean, Aresoko txoko desberdinetan: jokoak, kalejira, bazkaria, ekitaldiak, txokolatada...

Ez du erantzunik